افضل الموبايلات ٢٠٢٠

ترشيحات فبراير 2020 
#أفضل_الموبايلات في جميع الفئات السعرية 

الترشيحات دي يعني الموبايلات اللي احنا شايفنها الأفضل في كل فئة سعرية ... انا اضمنلك ان اي موبايل تشتريه من الترشيحات دي هيبسطك و مش هيعملك مشاكل ان شاء الله... انا نفسي لما بشتري موبايل بجيب من الموبايلات المذكورة دي .... ف مفيش داعي ان حد يبعتلي رسالة و يقولي انا عايز اشتري موبايل ب كذا ... لأني هقولك نفس الخيارات اللي مكتوبة هنا .... و يستحسن تتفرج علي الفيديو اللي تحت كل موبايل عشان تشوف كل تفاصيل الموبايل في فيديو مختصر اقل من خمس دقايق ... الترشيحات مفهاش مجاملات خالص ....

فيه بعض المبادئ في شراء الموبايل اصبحت اساسية او علي الأقل يستحسن وجودها في الموبايل في أي فئة في بداية 2020 زي مثلا:
- مشكلة فيروس الكورونا  تسببت ان اسعار بعض الموبايلات ترفع ...متخليش التجار يستغلوك … طالما مش مستعجل علي الشراء … استني … الازمة اكيد هتتحل.

- الشاشة يستحسن تكون بالأبعاد الجديدة للشاشة مع حواف قليلة حوالين الشاشة بالتالي نسبة استحواذ عالية ..

- ميزة شحن البطارية السريع ميزة مفيدة للي بيحتاج يشحن موبايله ربع او نص ساعة و ينزل من البيت مستعجل

- دعم الموبايل لشبكات الجيل الرابع بقي شيء اساسي مينفعش تتنازل عنه في موبايلك .. كل الموبايلات الموجودة في ترشيحاتنا داعمة للجيل الرابع ... أما الجيل الخامس فهو حتي الان غير متواجد في مصر و شرائك ل موبايل جيل خامس من برة رمي فلوس في الارض... لأنك متضمنش ان ترددات الجيل الخامس بتاعة دول الخارج تبقي زي بتاعة مصر.

- الشاشة السوبر اموليد هي الشاشة المفضلة لمعظم المستهلكين من حيث تشبع الألوان و الإحساس ب رقي الموبايل

- اغلب الموبايلات دلوقني بقي فيها ميزة التعرف علي الوجه ... و دي بديلة للبصمة ... بس درجة امانها أقل من البصمة...


- في براند جديد هتشوفوا منه كذا موديل اثناء قراءة البوست اسمه ريلمي Realme و هو براند تابع ل أوبو و جزء منها ... واخد نفس مميزات شركة اوبو من خامات و خدمات ما بعد البيع محترمة في نفس فروع اوبو .. و الميزة انه بسعر ارخص ... و ده نفس الكلام بخصوص براند Honor التابع ل هواوي... و لكن يظل بعض الناس حتي لو هم مقتنعين بالبراندات دي ... إلا انهم مش بيقدروا ينصحوا بيها البنات و طلبة الجامعة اللي شايفين ان الموبايل واجهة اجتماعية ... و شايف ان براند اوبو مشهور و معروف و يقدر يمكسه ... و ميقدرش يمسك ريلمي عشان براند قليل اللي عارفينه ... النقطة دي تم مراعتها في الترشيحات جدا ب اضافة البديل المناسب من الماركات المشهورة زي سامسونج و اوبو و هواوي  ... و لكن فيه موديلات مهما كانت مشهورة مكانش ينفع نضيفها لوجود عيوب جسيمة فيها.

اخر و اهم خطوة قبل ما نبدا الترشيحات انت ك مشتري عايز تجيب موبايل مثلا في فئة ال 2000 جنيه ... و المبلغ ده اقصي مبلغ تقدر عليه ... اعتقد انك تقدر تتصرف في 100 جنيه زيادة مثلا عشان تجيب حاجة احسن بكتير و هتفرق معاك في استخدامك للموبايل و انه يريحك.

و العكس ... انت تقدر تدفع 5000 جنيه ... و لكن احنا شايفين ان فيه موبايل ب 4300 جنيه بيحقق نفس الأداء الإجمالي للموبايل اللي ب 5000 .

الجزئية دي احنا مراعينها جدا في الترشيحات.

ترشيحاتنا هتكون كالتالي

-فئة تحت ال 1000 جنيه
- فئة 1500
- فئة 2000
- فئة 2500
- فئة 3000
- فئة 4000
- فئة 5000
- فئة 6000
- فئة 7000
- فئة 9000

◄ فئة تحت ال 1000 جنيه (فئة اقتصادية جدا بمعالج رباعي... فئة المفروض الناس بتجيب فيها موبايل زراير .. مش اندرويد اصلا .. و لكن فيه عروض كويسة  مؤقتة حاليا .. مشجعة في الفئة دي لموبايلات اندرويد تقدملك تجربة محترمة)


ميزو M5

بشاشة 5.2 بوصة بالأبعاد القديمة و لكن تم إضافته للترشيحات بسبب انه استثناء في الفئة و بيجي بمعالج ثماني النواه ...و  2 جيجا رام و دعم للجيل الرابع و ذاكرة 16 مع بطارية 3000 ميلي و مستشعر بصمة ...

نقاط التميز: المعالج الثماني  - البصمة

الملحوظات: ضعف الوكيل و عدم توافر قطع الغيار - الحاجة لتنزيل متجر جوجل بلاي يدويا بعد استخدام الهاتف اول مرة – سوفت وير قديم اندرويد 6

الموبايل اتعمل عليه عرض بيتباع ب 800 جنيه من هنا:
https://bit.ly/3bj9oJ2

و تقدر تشوف مراجعة فيديو مختصرة بكافة عيوب و مميزات الموبايل من هنا:

https://www.youtube.com/watch?v=_jEI7BXf5G4

الخيار التاني و  الثالث في نفس الفئة... في حالة انك مش مرتاح ل براند ميزو ..هتروح ل اجهزة اندرويد جو ب 1 جيجا رام  و دي احنا عاملين ليهم كلهم فيديو مقارنة شامل (فيه شاومي ريدمي جو و نوكيا 1 بلس و ألكاتيل و تكنو بوب 2 باور ببصمة) تقدر تشوفه من هنا:
https://www.youtube.com/watch?v=af_6Ro2B-p0

الخيار الثاني

شاومي ريدمي جو

شاشته 5 بوصة بالابعاد القديمة ... مع 1 جيجا رام و اندرويد جو الخام ..... الموبايل الوحيد في الفئة اللي بيجي بمعالج كوالكوم 425 رباعي النواه .. بالتالي ادائه اعلي شوية من النوكيا 1 بلس اللي في الترشيحات بعده...

الموبايل سعره حاليا سعره في العرض بعد ما تضيف الكوبون 970 جنيه فقط لما تشتريه من موقع نون و تضيف واحد من الكوبونات دي EGM71 او EGM72  او EGM73 أثناء الشراء ... اي كوبون من المذكورين هتضيفه و هيديلك الخصم

من هنا:

http://bit.ly/2LTNWRr

الخيار الثالث

نوكيا 1 بلس

موبايل ب شاشة 5.5 بوصة بالابعاد الجديدة و حواف هي الاقل في الفئة ... مع براند مشهور نوكيا ... و بطارية قابلة للتغيير

الموبايل سعره حاليا سعره في العرض بعد ما تضيف الكوبون 970 جنيه فقط لما تشتريه من موقع نون و تضيف واحد من الكوبونات دي EGM71 او EGM72  او EGM73 أثناء الشراء ... اي كوبون من المذكورين هتضيفه و هيديلك الخصم

من هنا:

http://bit.ly/31a6yQB

أو ب 975 جنيه من هنا:
https://souq.link/2OzhROl


◄ فئة ال 1500 جنيه (فئة فيها نقلة نوعية عن الفئة السابقة بمعالج ثماني... موبايل عليه عرض لانه قديم شوية ... 3 جيجا رام و ذاكرة 32 و بصمة ب نوتش كبيرة)

افضل خيار فيها

نوكيا 5.1 بلس 
هيليو بي 60
3 + 32
تقدر تقول انه زيه زي ريلمي 3 بس ب نوتش كبيرة (موضة قديمة) ... و منفذ شحن جديد USB C ... و كاميرا كويسة في الفئة دي  ... صوت السبيكر مميز ... بطاريته صغيرة شوية 3000 ميلي امبير  ... الجهاز بيطلع من العلبة ب اندرويد 8.1 ... و لكن اول ما تدخل علي الاعدادات هتلاقي تحديث 9 متاح .. طبعا بيكون اندرويد خام 
نقاط التميز: افضل معالج في الفئة لإستخدام البرامج و الألعاب – افضل كاميرا في الفئة 
الموبايل سعره حاليا سعره 1600  جنيه
من هنا:
 http://bit.ly/2S7MVap


◄ فئة ال 2000 جنيه (برضه فئة الموبايل الاقتصادي جدا ... و لكن الفئة دي اتحسنت عن الشهور اللي فاتت بظهور اجهزة فيها  معالجات ثمانية النواه يعني اداء افضل و تميز في خصائص الكاميرا)

ثلاث خيارات في الفئة دي

Realme C2
Huawei Y6s
Samsung Galaxy A10s

الخيار الاول
ريلمي C2 ... مع 3 رام و ذاكرة 64 ... ب بطارية 4000 ميلي امبير جبارة .... مع كاميرات معقولة للفئة ....

نقاط التميز: اقوي شبكة - البطارية – معالج ثماني – أداء ألعاب ثقيلة زي PUBG  معقول جدا  علي low جرافيكس
الملحوظات: بدون مستشعر بصمة

الموبايل سعره 2100 جنيه هنا:

https://souq.link/2UtT8ik 

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=IgSxDJZM3ns 
الثاني هواوي Y6s

بيجي  ب 3 جيجا رام .. و ذاكرة 64 جيجا ... و شاشة 6.0 بوصة

نقاط التميز: 3 جيجا رام – بصمة – راديو بدون الحاجة ل سلك -
الملحوظات: سوفت وير هواوي تقيل نسبيا – بطارية صغيرة نسبيا

الموبايل سعره 1999 جنيه هنا:
https://souq.link/380cJKV

او هنا:
http://bit.ly/2OxMOTa 

الخيار الثالث
سامسونج جلاكسي A10s ... اللي يميز الموبايل ده في فئته انه من براند قوي ... و مميزات سوفت وير سامسونج.

الملحوظات: ضعف الواي فاي - ضعف التحديد الجغرافي

الموبايل سعره حاليا 2020  جنيه
من هنا:

http://bit.ly/2uoGhmV 


◄ فئة ال 2500 جنيه (في الفئة دي بتاخد تحسين كبير في اداء المعالج)

خيار واحد في الفئة دي

Realme 5


الخيار الاول
ريلمي 5 نسخة 3+64
موبايل يستحق يبقي فئة سعرية لوحده .. تابع لبراند اوبو القوي ... بمعالج  كوالكوم 665 نفس معالج اوبو A9 ... مع بطارية 5000 ميلي امبير... و كاميرات مميزة

نقاط التميز: افضل معالج و كاميرا – شاشة 6.5 بوصة - أقوي استقبال شبكة في الفئة  
الملحوظات: لا يدعم الشحن السريع – حجم  و وزن كبير

الموبايل سعره الرسمي 2690 جنيه... المشكلة انه حاليا غير متوفر .. و لو لقيته بيكون ب أسعار ازيد بكتير

من هنا:
https://souq.link/2SpphVG
او هنا:
 http://bit.ly/37319NY

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=6LDEcoZdskY 
________

◄ فئة ال 3000 جنيه

فيها ثلاث اجهزة

Realme 5 128GB
P30 Lite
Y9 Prime 2019
و ممكن يدخل معاهم ال 
Oppo A5 2020

الخيار الأول هو ال

ريلمي 5 نسخة 4+128
هو هو نفس الموبايل ريلمي 5 اللي في الفئة السابقة ال 2500 جنيه ... مع فرق ان الرام انه هنا 4 جيجا و الذاكرة الداخلية 128 جيجا

نقاط التميز: أقوي استقبال شبكة في الفئة  
الملحوظات: غير داعم للشحن السريع – دقة الشاشة اتش دي فقط
  
الموبايل سعره الرسمي 3490  جنيه من هنا:

من هنا:
https://souq.link/2SpphVG
او هنا:
 http://bit.ly/37319NY

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=6LDEcoZdskY 

الثاني
هواوي بي 30 لايت
لمحبي البراندات المشهورة ... موبايل حجمه صغير ملموم في الايد و شاشة بدقة عالية – ضهر زجاج

الملحوظات: سوفت وير هواوي تقيل نسبيا – بطارية صغيرة 3340 ميلي امبير فقط.

الموبايل سعره حاليا سعره 3000  جنيه
من هنا:
http://bit.ly/31yurD2
او هنا:
https://souq.link/31xKFMH

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=V8afNZsxSWQ

الثالث
هواوي واي 9 برايم 2019
لمحبي الشاشة الكاملة بدون نوتش او ثقب و حجمها كبير 6.5 بوصة .. و بطارية 4000 ... اما باقي المواصفات فهي بالظبط نفس مواصفات الهاتف السابق بي 30 لايت.
الملحوظات: سوفت وير هواوي تقيل نسبيا – اداء كاميرات و خصوصا سيلفي ضعيف جدا – عدم وجود خاصية التعرف علي الوجه

الموبايل سعره حاليا سعره  3250 جنيه
من هنا:
http://bit.ly/2vX4W2n
او هنا:
https://souq.link/2Oz3g5u

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=yNZIvoWHv0M


◄ فئة ال 4000 جنيه " هنا بتاخد مستوي معالجات افضل بفرق واضح في الألعاب يعني تقدر تلعب لعبة PUBG علي درجة High جرافيكس  و كمان ألترا في الموديل الاول ...و لعبة فورتنايت مدعومة من اول الفئة دي و انت طالع  "

الفئة دي اختارنا فيها بالترتيب

Redmi Note 8 Pro
Realme 5 Pro
Samsung Galaxy M30s

الاول
شاومي ريدمي نوت 8 برو
اكتر موبايل انا بحبه في الترشيحات دي كلها ... اولا هو استثنائي في الفئة دي ب 6 جيجا بايت رام ... و استثنائي برضه ب كاميرا خلفية هي الافضل في الفئة 64 ميجا بيكسل ... و استثنائي ب اكبر بطارية 4500 ميلي امبير و دعم الشحن السريع الفائق... و استثنائي ب معالج ينافس معالجات لحد 8000 جنيه... و استثنائي ب ضهر زجاجي في الفئة.

الملحوظات: عدم دعم تسجيل المكالمات – قلقي من شركة شاومي في العموم

الموبايل سعره حوالي 3700 جنيه  للنسخة 6 جيجا رام و 64 ذاكرة

من هنا:
http://bit.ly/31uHCVg

و حوالي 4100 للنسخة 6 جيجا رام و 128 ذاكرة
من هنا:
https://souq.link/31xLkOb

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=xeYnP-r5oDY


الخيار الثاني
ريلمي 5 برو
موديل مختلف عن الموديل المذكور في فئة ال 3000 جنيه ... ريلمي 5 برو بمعالج كوالكوم 712 المتوسط ... و شاشة فول اتش دي ... و دعم للشحن السريع الفائق.
الملحوظات: شكوي البعض من ضعف شبكة الإتصال و الواي فاي.

الموبايل سعره حوالي 3470 جنيه للنسخة 4 جيجا رام و 128 ذاكرة
من هنا:
http://bit.ly/3841zol

و 4450 جنيه للنسخة 8 جيجا رام و 128 ذاكرة
من هنا:
https://souq.link/376y97I

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=dDdrHTR_Z6c

فيديو شرح تقنية الشحن السريع الخاصة بالهاتف:
https://www.youtube.com/watch?v=-7WsT-dIVwM

الخيار الثالث
سامسونج جلاكسي ام 30 اس
الموبايل الوحيد في الفئة ب شاشة سوبر اموليد فول اتش دي ... شاشة تحفة لما تبص عليها ... و من شركة عريقة... و بطارية مهولة 6000 ميلي امبير
الملحوظات: جسم بلاستيك – نقفيل البلاستيك فقير – معالج اضعف من المنافسين

الموبايل عليه عرض ب 3450 جنيه للنسخة 4 جيجا رام و 64 ذاكرة

من هنا:
 http://bit.ly/2Rhpqva

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=ZKfT985X7qk

◄فئة ال 5000 جنيه (في الفئة دي بتبدأ تاخد 6 جيجا رام ... مع معالجات في نفس مستوي الفئة السابقة و ان كان فيه استثناء وحيد)
Realme XT
Oppo Reno2 F

الخيار الاول
ريلمي اكس تي
الموبايل المحبب و الموثوق و الاقل شكاوي في الفئة السعرية بين المستهلكين ... ضهر زجاجي ... و كاميرا خلفية 64 ميجا بيكسل .. و شاشة سوبر اموليد
الملحوظات: الكاميرا الخلفية تزيد من الحدة و تشبع الألوان بصورة غير طبيعية.
الموبايل بيبدأ سعره من 5250 جنيه 
من هنا:
http://bit.ly/2OxdV0I
او هنا:
https://souq.link/2H1aPOi

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=CD3vo1T8-pk

الخيار الثاني .. اوبو رينو 2 اف
موبايل محترم جدا ... خليفة اوبو اف 11 برو ... الجديد فيه انه ب 8 جيجا بايت رام ... و كاميرات افضل... و ضهر زجاجي و تصميم احلي و شاشة سوبر اموليد... المعالج هو هو.

الملحوظات: معالج ضعيف مقارنة ب مستوي المنافسة في الفئة

الموبايل سعره حاليا بيبدأ من 5150 جنيه 
من هنا:
http://bit.ly/376yHKO
او هنا:
https://souq.link/2tE8wO8 

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=iC4KrGItA7w 

◄فئة ال 6000 جنيه (تقدر تشتري موبايل رائد في الفئة دي)
 Huawei Nova 5T
Honor 20

الفئة دي فيها موبايلين ...
الموبايلين تقريبا واحد

الاول في اختياري هو
Honor 20

موبايل رائد جديد من شركة اونر التابعة ل هواوي ... بتصميم و خامات رائدة ضهر زجاجي و اطار معدني ... مع شاشة IPS فيها خرم ل كاميرا السيلفي للناس القلقانة من عمر موتور البوب اب سيلفي اللي اتكلمنا عنه في الفئة السابقة .... اما كاميراته مشابهة لكاميرات الفئة السابقة مفيش تغيير كبير ... التغيير بيكون في المعالج اللي بيكون هنا رائد بجد .. كيرين 980 "نفس معالج هواوي بي 30 برو اللي سعره 11 الف جنيه" ... و طبعا داعم للشحن السريع ... و الرام 6 جيجا بايت

نقاط التميز: الإعتمادية - الخامات الخارجية – المعالج
الملحوظات: الشاشة ليست اموليد – لا يدعم الشحن اللاسلكي – عدم امكانية اضافة كارت ذاكرة خارجي – عدم وجود منفذ سماعة سلك

الموبايل  متاح  ب 5666 جنيه
 من هنا:
http://bit.ly/39d3OG5 

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=i-UeM865KBQ

 الخيار الثاني
هواوي نوفا 5 تي
فعليا هو هو الهونر 20 مع زيادة الرام ل 8 جيجا بايت ... تشتري الموبايل ده في حالة واحدة بس انك تكون ناوي تبيع الموبايل مستعمل في فترة قريبة ... في الحالة دي اسم هواوي بيكون اقوي
غير كدة الجهازين فعلا واحد
الموبايل متاح ب 6260 جنيه
من هنا:
https://souq.link/2S5au3j 

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=sQcqOT-Zhuw

◄فئة ال 7000 جنيه (لهواة سامسونج)

Samsung Galaxy A71
 الحقيقة الموبايل ده هو اكتر موبايل متوسط من شركة سامسونج يدخل دماغي ... معالج متوسط محترم ... شاشة سوبر اموليد كبيرة 6.7 بوصة ب ثقب  يعني نسبة استحواذ عالية... شحن سريع فائق  ... كاميرا خلفية 64 ميجا بيكسل بتعديلات و تظبيطات سامسونج بتخليها مميزة فعلا.
الملحوظات: بصمة سامسونج في الشاشة غير اعتمادية مقارنة بالمنافسين – جسم بلاستيك بالكامل – كاميرا السيلفي تحتاج اضاءة عالية 

الموبايل  متاح  بسعر رسمي 6999 جنيه من هنا:
 https://souq.link/2Oy4CNM
او هنا:
http://bit.ly/39ikY55

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=9WYWblRilsA

◄فئة ال 9000 جنيه ( في الفئة هتروح ل موبايل نوت من سامسونج بمعالج رائد قديم ... و الخيار التاني انك تشتري وان بلس من الإمارات)

Samsung Galaxy Note 10 Lite

سامسونج عملت نسخة رخيصة من النوت 10 ... اسمها نوت 10 لايت .. الموبايل فيه قلم النوت الشهير و المحبب للمستهلكين ...  و المعالج هو معالج النوت 9 ... يعني معالج رائد بس قديم شوية.. و لكن اداء معقول علي الفئة دي ... و 8 جيجا رام.
 الملحوظات: ضهر بلاستيك – غياب مقاومة الماء و الغبار - كاميرا السيلفي تحتاج اضاءة عالية

الموبايل سعره الرسمي في السوق 8999 جنيه من هنا:
https://souq.link/39hE5fV 

و تقدر تشوف مراجعة فيديو مختصرة بكافة عيوب و مميزات الموبايل من هنا:
https://www.youtube.com/watch?v=_fFRwpzGLDQ 

مراجعات لهواتف خرجت من الترشيحات:

ريدمي نوت 8 ... خرج بسبب عيب الشبكة الضعيفة  و تطبيع الشاشة
هنا:
https://www.youtube.com/watch?v=CszSI5c2rEo
شاومي مي 9 تي 
خرج بسبب تكرار عيب كسر الشاشة الداخلية مع بعض المستخدمين
هنا:
https://www.youtube.com/watch?v=PooHlulRN6c

اوبو رينو 2 
خرج بسبب انتظارنا نزول سعره نسبيا لينافس سامسونج A71
هنا:
https://www.youtube.com/watch?v=c_eMaP42J4Y

هواوي واي 9 اس .. خرج بسبب ضعف المعالج مقارنة بالمنافسين في نفس الفئة السعرية
هنا:
https://www.youtube.com/watch?v=5nQhnaVCTWo

فيفو اس 1 ... هاتف جيد في فئته و لكنه خرج بسبب ضعف انتشار الماركة في مصر حتي الآن
هنا:
https://www.youtube.com/watch?v=mVjmCAL_wIQ
__

سامسونج جلاكسي A51... خرج بسبب ضعف المعالج مقارنة بالمنافسين في الفئة السعرية
هنا:
https://www.youtube.com/watch?v=q_khOYw4DmY
انفينكس اس 5 ... خرج بسبب استخدام معالج لا يليق في الفئة السعرية حاليا
هنا:
https://www.youtube.com/watch?v=riOOOzoXzTs

فيفو في 17 برو ... خرج بسبب ارتفاع سعره و استخدامه معالج لا يليق ب فئته
هنا:
https://www.youtube.com/watch?v=oeS9Ff02ytk

هونر 9 اكس ... خرج بسبب وجود بدائل افضل منه بكثير في فئة ال 4000 جنيه
هنا:
https://www.youtube.com/watch?v=P-WtdEFqKNw


سامسونج جلاكسي A80 ... تم استبعاده لأسباب تقنية كثيرة مذكورة في المراجعة
هنا:
https://www.youtube.com/watch?v=prS02bM71y4   

تابعونا دايما